domingo 3 de abril de 2016 - 18h
Proyeición "Camino a Guantánamo"
"Camino a Guantánamo" ye la hestoria de cuatro amigos británicos que en setiembre de 2001 viaxaron dende Tipton, nes Midlands ingleses, pa asistir a una boda y pa unes vacaciones en Pakistán. Tardaron dos años y mediu en volver pa casa. El so viaxe llevólos dende Tipton hasta Karachi, Kandahar, Kabul y Konduz, onde fueron prindaos pola Alianza'l Norte (formada por distintes facciones de grupos armaos xuníos pol oxetivu de derrocar al réximen talibán) y dempués pasaron a manes de los estaoxunidenses, que los conduxeron a Kandahar. Dende allí, tres d'ellos (Shafiq, de 23 años; Asif y Ruhel, dambos de 19 años) fueron treslladaos a la base norteamericana de Guantánamo, en Cuba, onde permanecieron más de dos años prisioneros, sometíos a incontables humillaciones y tortures. El 5 de marzu de 2004 fueron treslladaos al Reinu Xuníu. En Londres, tres ser interrogaos, fueron puestos en llibertá ensin cargos.
